IT
EN
DE
Emergenzes
Cuntaté nos
Sustin nosL é benfat lejer la informazions meteo, l boletin de la levines, coche l é l percors, estra che se regolèr coche carenea e se tor do la fornimenta adatèda, aldò de la raida che se vel fèr. Lec delvers la indicazions del Desch Tecnich de la Prudenza, metù adum dai enc che se dèsc ju te la sensibilisazion al jir sa mont con ferstont.
Apede chi che vif e ama la montagna.
Chi sione pa?
Sion l Soccorso Alpino e Speleologico Trentino (CNSAS – TN), na sociazion de volontariat nasicuda del 1952 e pont de referiment per l socors tecnich e sanitèr sa mont, su per i grentegn e ti cogoi. Estra che tel socors, se dajon ju te la prevenzion e te la sensibilisazion a jir sa mont con ferstont, per chi ge sa bel viver esperienzes e veder chisc lesc.
Cognosc la sociazionEsser canche l é de besegn: chesta l é noscia encèria.
Gei co nos
Fèr pèrt del Soccorso Alpino e Speleologico Trentino vel dir esser a la leta de la comunanza con competenza, responsabilità, gust e amor per la mont. Se ence tu te ves tor pèrt a noscia miscion de solidarietà, vèrda coche te pes doventèr n socoridor o na socoridora.
Moscia de piùDane tie sostegn
Tie sostegn renforza l lurier de noscia stazions e ne deida a aer èrc e radio bogn e che va e che i intervenc che fajon duc i dis sul teritorie i sie percacenc e da fazion. Ogne donazion contribuesc al empegn de nesc volontères califiché.
Dona ades
Èste de besegn de aiut? Chiama sobito i socorsc.
Se dassen te ès de besegn sa mont o su per i grentegn, chiama l 112 (un-un-doi). La zentrèla unica de emergenza la farà pontèr demez coran noscia squadres, che les entervegnarà più prest che l é meso.
Schivèr i risesc sa mont
Dant de te n arloèr, enformete polito
- Co posse pa me endrezèr polito per fèr na raida con ferstont?
- Che posse fèr pa per no cogner chiamèr i socorsc sa mont?
Dotrei comportamenc per schivèr pericoi:
- Se enformèr en cont de coche sarà l temp, lejer l boletin levines tel Trentin e la condizions di percorsc
- Cerner percorsc aldò de l’esperienza personèla (troes, vies ferèdes, straverc, cogoi)
- Pianifichèr oraries de canche se ponta demez e de canche se vegn de outa, tor do fornimenta adatèda.
- Met vèrda se te es massa stencià, l’uteza e l fiorir del soreie.
La prevenzion smendra l risech de cogner chiamèr l socors.
- Olà posse pa troèr la previjions del temp segures per l Trentin?
Per endrezèr na raida sa mont l é dassen emportant lejer informazions agiornèdes e ofizièles.
Te pes veder coche sarà l temp drucan su Meteo Trentino, olache se pel lejer dac prezisc e spezifics per l teritorie.
- Olà posse pa troèr l boletin de la levines agiornà per l Trentin?
Per saer la condizions de la neif e se l é pericol de levines, te conseon de vardèr la piata ofizièla valanghe.report che met fora duc i dis boletins, mapes e analises spezifiches de l’area alpina.
- Colunes él pa la regoles prinzipales per jir sa mont con fondament?
La indicazions agiornèdes dintorinvia la bona prateghes per se mever en segureza d’istà e d’invern les é binèdes adum da VisitTrentino, en colaborazion coi enc che fèsc pèrt del Desch Tecnich de la Prudenza sa mont.
- Olà posse pa binèr ensema materièl ofizièl che ensegna a jir sa mont con fersont?
La informazions binèdes ensema dal Desch Tecnich de la Prudenza (video, infografiches e indicazions) les é a la leta on line sui sic istituzionèi desche VisitTrentino e sui canai de comunicazion del Soccorso Alpino e Speleologico Trentino (sit web, Facebook, e Instagram). Se trata de materièi publiché e validé a livel provinzièl.
- Che él pa l socors speleologich e co se pelel pa schivèr desgrazies ti cogoi?
L socors speleologich l é l’atività del CNSAS dedichèda al socors ti cogoi. Per jir ti cogoi en segureza fossa benfat:
- Jir ite demò con esperc o en grop;
- Aer la fornimenta adatèda e che va;
- Ge dir scialdi a zachei l percors che se vel fèr e canche se peissa de ruèr de outa.
Ence ti cogoi, la prudenza l é l prum strument per se stravardèr.
- Colun él pa l numer de emergenza da chiamèr sa mont e can él pa benfat l chiamèr?
Tel Trentin, l numer de emergenza l é l 112 (un-un-doi, emergenza 112 Trentin). Se pel l chiamèr se sozet desgrazies, se se stèsc mèl, se la jent se pert, se l é risech de levines, se no se sa co jir inant su la vies ferèdes o sun straverc. Miec domanèr aiut, dant de piorèr la situazion.
- Che cogne pa dir canche chiame l 112 sa mont?
Canche te chiames l 112 per fèr vegnir l Soccorso Alpino e Speleologico Trentino canche sozet desgrazies, ge vel dèr vèlch informazion de basa;
- Ge vel dir olache se é (troi, piz/crep, via, val, lesc cognosciui, se n fossa)
- Che che l é sozedù e cotanta jent la é stata touta ite
- Coche stèsc la persones (se les se à fat mèl, se les respon, se no les pel se mever, ipotermia…)
- Se l é pericoi (pericol de levines, se vegn ju perons, se vegn scur sobito).
Chesta informazions les é de didament per la zentrèla per ativèr la stazions de socors più apede.
Vus dal cör dl socors